Алсу Фазлыева: «Ике ай вакыттан соң сез үзегезне танымаслык булып үзгәрәчәксез!»

Җырчы Азат һәм Алсу Фазлыевларның NL компаниясендә эшләвен беләбез инде. Алар үзгәрү, ябыгу буенча проектлар уздырып торалар. Менә берничә көннән аларның «Яңа мин» дип исемләнгән проектлары старт ала.

Алсуның аңлатуынча, ул авылларда, район үзәкләрендә яшәүче хатын-кызларның чәчәк атуын тели икән. Чәчәк атуга күп әйбер керә, белем алудан башлап, тышкы кыяфәткә кадәр. Хатын-кыз матур булырга тиеш, дип уйлый Алсу.

«Бәлки авылда яшәүче кызлар башкача фикерлидер. Мәсәлән: «Сыер сауганда, бакча утаганда ник миңа матур булырга?!.. Ни өчен миңа косметика, матур фигура?!.. Иң мөһиме ‒ өйдә ашарга бар, гаиләм тук»... Ә сәламәтлек? Карьера?.. Бәлки әле син кияүдә дә түгелсеңдер... Тормышыңны үзгәртәсең киләме?! Үзеңнән башла! Тормыш шартларын үзгәртү, кызларга ярдәм итү ‒ минем яраткан эшем. Берничә көннән «Яңа МИН» («Новая Я») дип исемләнгән проектыбызны башлыйбыз. Ике ай вакыттан соң сез үзегезне танымаслык булып үзгәрәчәксез!» дип яза Алсу.

Бу проект ярдәмендә ябыгып калмаячаксыз, күп призлар да вәгъдә итә Алсу. Төп призлар: стилистлар белән эшләү, косметологларга йөрү, маникюр ясату һ.б.