Яңалыклар

«Сәхнә» журналы һәм Тинчурин театры 2 урынлык чакыру билеты уйната!

Легендар артист Фидан Гафаров вафат...

10 номинант арасыннан 4 лауреат сайланган.

Иртәгә зур бәйрәм! Бөек татар шагыйре Габдулла Тукай тууга 139 ел һәм Туган Тел көне!

7-8 мартта Г. Камал исемендәге Татар дәүләт академия театрында көтелгән премьера булып узды. Тамашачыга «Башмагым» музыкаль комедиясе тәкъдим ителде. Таҗи Гыйззәт либреттосы, Җәүдәт Фәйзи музыкасы. Спектакльнең режиссёры – Фәрит Бикчәнтәев, сәхнәгә куючы рәссам – Сергей Скоморохов, костюмнар буенча рәссам – Марина Марьянич, яктылык буенча рәссам – Тарас Михалевский, хореографлар – Айрат Баһаутдинов, Лилия Баһаутдинова, хормейстер – Марат Яхъяев. Спектакльдә музыка Театр оркестры башкаруында яңгырый. Дирижёр – Данияр Соколов.

«Культура малой Родины» федераль проекты ярдәмендә тормышка ашырылучы бу спектакльне чакырылган режиссёр Наталья Пахомова куя. Спектакльнең композиторы - Николай Морозов. Премьера 25 һәм 26 апрельгә планлаштырыла.

Камал театры артисты Эльвир Сәлимов һәм аның хәләл җефете Мирослава гаиләсендә сөенеч - малай туды! Сәлимовлар гаиләсен котлыйбыз!

Әлмәттә «Сәйяр» Республикакүләм балалар һәм яшүсмерләр театр фестиваленең зона этабы узды. Әле тагын Чаллы, Казан, Әтнә, Буа зоналарында өзекләр карау көтелә.

Чәчмә әсәрнең инсценировкасын әзерләү һәм шуның буенча спектакль кую җиңелләрдән түгел. Шулай да, бүген күп кенә театрлар бу алымга аеруча кызыксыну белән алына. Драматургия дөньясында яңа әсәрләргә кытлык булуга бәйлеме бу, яки режиссёрларның классик әсәрләргә алынасы килмәүгәме – төгәл генә әйтеп булмый. 17 апрель Казанның яшь тамашачы театры рус язучысы, совет чорының иң күренекле фантасты Кир Булычёвның “Можно попросить Нину?” хикәясенә нигезләнеп “Нина и хлебные карточки” спектакле премьерасын тәкъдим итте. Бүген театр бинасы реставрация һәм реконструкциягә ябылу сәбәпле, артистлар тамашачы белән очрашу өчен шәһәрнең төрле локацияләрендә спектакльләр куярга мәҗбүр. Бу спектакль дә Левченко посёлогында урнашкан “Полимер” Мәдәният йортында күрсәтелде. Режиссёры – Радион Букаев, инсценировка авторы – Ләйсән Фәизова, рәссам – Надежда Иванова, композитор – Әлфит Фәрхәдшин. Рольләрне Павел Густов, Гүзәл Вәлишина, Любовь Лукина башкарды. Тамаша залында үз урыннарыбызга утыргач, безнең артта урнашкан рәтләргә кереп тулган яшүсмер укучыларның “45 минутлык спектакль карау өчен шушында килдекме? Аннары кире кайтасы бар бит әле...” дип канәгатьсезлек белдерүләренә ирексездән игътибар иттем. Ләкин спектакль башында бераз пышылдашып, шаярып утырган укучылар берзаман тынды. Шушы ук балаларга спектакль тәмамлангач борылып карадым: күзләрендә җитдилек чаткылары барлыкка килгән, эчтән генә ни турындадыр тирән уйланалар, инде үзара пышылдашмыйлар да иде. “Премьера уңышлы үтте!” дип сөенеп куйдым. 1942 нче һәм 1972 нче елларны бәйләп торган спектакль сугыш елларын һәм сугыштан соң чорны тасвирлый. Дөресрәге, 1942 нче елда яшәүче 13 яшьлек Нинаны һәм 1972 нче елда көн күрүче Вадимны. Хикәядә вакыйга телефон шалтыравыннан башланып китсә, спектакльдә авторлар бераз өстәмә кертергә булганнар. Вадим горурлык хисе, көр тавыш белән тормышның шундый якты, илнең шулай алга киткән булуын газета битләреннән укып, тамашачыга сөйли. Ә аннары инде телефоннан сөйләшү, кечкенә Нина белән танышу...

«Кеше китә - җыры кала» 28 нче апрельдән экраннарда!

19 апрель 17:00 Татарстан 3 адресы буенча урнашкан «Түбәтәй» янында Tubatay Beats төркеме чыгыш ясый.

Габдулла Тукай исемендәге Татарстан Республикасы Дәүләт премиясенең 2025 нче елгы лауреатлары билгеле булуга 10 көн калып бара.

15 апрель Камал театрының яңа бинасында популяр артистлар һәм тамашачылар катнашында «Камал кичләре» уены узды.

17 апрель 16:00 сәгатьтә Татарстан Республикасының Заманча сәнгать галереясында «От героев былых времен...» күргәзмәсе ачыла.

Илгиз Зәйниевнең «Борһан йорты» әсәрен Лилия Әхмәтова 4 ел элек Буа театрында куйган иде инде. Кызганыч, режиссёр белән җитәкчелек арасында аңлашылмаучанлык килеп чыгып, ул спектакль Буа театры репертуарында тоткарланмаган.