Айваза Садыров туй көненнән видео белән уртаклашты

2019 елны танылган алып баручы һәм журналист Айваз Садыров шаяртып «матёрый буйдакларны утилизацияцияләү елы»дип атаган иде. Әлеге исемлеккә ул Алмаз Мирзаяновны, Марат Мухинны, Илфар Кәримовны һәм Мөнир Рахмаевны кертте.

Узган көзне Айваз Садыров үзе дә өйләнде. Сөйгән яры Алинә белән октябрь аенда гаилә кордылар. Бу әһәмиятле вакыйга уңаеннан төшерелгән видео белән Айваз инстаграм битендә уртаклашты.

Яшь гаиләне янә узган туй көннәре белән котлыйбыз һәм бәхетле, тигез тормыш телибез!