Гүзәл Уразовага: «Фонограммага җырлыйсыз сез!»

Шушы көннәрдә күп артистлар онлайн-концертлар уздырып, тамашачыларның күңелен күтәрделәр. Гүзәл Уразова белән Илдар Хакимов та туры эфир аша берничә көн рәттән концерт куйдылар. Җырчылар өчен бу яңа тәҗрибә.

«Фонограммага җырлыйсы, дип язып җанга тиделәр бүген. Җырлаганда теләсә кайсы җирендә өзелеп, җырламыйча торырга туры килде. Моны комплимент итеп кабул итимме икән?» – дип яза Гүзәл.

Моннан тыш, җырчы тамашачын сагынган. «Тизрәк күрешәсе иде сезнең белән!» – ди ул.