Иҗади дуслыкның тәүге тамашасы!

ГҮЗӘЛИЯ: "Бу кеше белән мин җыр язарга тиеш!" - Безнең дуслыкка 7 еллап бардыр. Шулай лента карап утырганда, бер шигырь килеп чыкты. Укып карадым да күңелемә ятты. Шунда ук аның аккаунтын карый башладым. Бу кеше белән мин җыр язарга тиеш дидем. Беркайчан да авторларга язмый торган кеше булсам да, тизрәк шәхси хат язып җибәрдем. Танышып киттек һәм бер атна аралашу эчендә 2-3 җырыбыз туды. Шундый якынайдык, бөтен холкыбыз туры килде. Сүзсез аңлаша торган дусларга әйләндек. Шуңа күрә бәхәсле ситуацияләр дә бик сирәк. Кирәкле урында туктый беләбез. Мин күбрәк сәхнәдә булуыма, көйләр язуыма карамастан, Эльвира миңа караганда хыялый. Ул очып китә, мин җиргә тартып төшерәм... Бу иҗади дуслыкның тәүге тамашасы 22 сентябрь, "Сәйдәш" мәдәни үзәгендә була! Көтәбез!