Каһировлар гаиләсендә шатлыклы вакыйга!

Татарстанның атказанган артисты Филүс Каһиров гаиләсендә шатлыклы вакыйга. Бүген артистның сөекле хатыны, хәләл җефете Эльмираның туган көне. Гомер бәйрәме уңаеннан җырчы сөекле хатынын матур бәйрәме белән тәбрик итеп, үз репертуарындагы җыр юлларын котлау итеп юллаган.

«Мәхәббәтнең янар чаткылары

Тормыш диңгезендә ак җилкән,

Дулкыннарны бергә ярып барсаң

Иң зур бәхет җирдә шул икән!

Матурым! Ихлас күңелемнән туган көнең белән тәбрик итәм! Изгеләрдән изге теләкләрем сиңа! Без балалар белән бик нык яратабыз Сине!» ‒ дип яза артист.

Без дә Эльмира Каһированы ихластан гомер бәйрәме белән тәбрик итәбез. Парлы тигез гомер һәм бәхетле киләчәк телибез!