Марсель Сәлимҗанов исемендәге Актерлар йортында Казан Яшь тамашачы театры көне узачак!

20 нче май 11:00-20:00 сәгатьләрдә алдан язылып килгән кунакларны кызыклы, бай программа көтә. Программага спектакльләр күрсәтү дә, коллективтан мастер-класслар да, иҗади очрашулар да кергән:

11:00 | бэби-спектакль «Воробьишко»;

12:00 | «Бал. Бесы» (режиссёр Туфан Имаметдинов) спектакленең видеоязмасын карау һәм әдәби бүлек мөдире Ләйсән Фәизова белән фикер алышу; 

12:45 / 13:15 | театраль грим буенча рәссам-гримёрлар Марина Естафьева һәм Юлия Рахманюктан мастер-класс; 

13:00 | Дарья Бикшеева сәхнә теле буенча мастер-класс;

13:30 | спектакль-променад «Лёгкий человек»;

14:15 | театрның баш режиссёры Радион Букаев белән иҗади очрашу;

15:15 | Татарстанның халык артисты Гүзәл Шакирҗановадан «Работа с голосом, вокал с элементами актёрского мастерства» дип аталган мастер-класс;

16:00 | «Театралка» һәм «Ихлас» студияләре һәм остазлар Юрий Блинов, Блия Выборновадан биюле-музыкаль импровизацияләр киче;

16:30 | Татарстанның атказанган артисты Павел Густовтан актерлык осталыгы буенча мастер-класс;

18:30 | театр артистларыннан «Разговор о любви» дип аталган язгы концерт. 

Мастер-классларда катнашучыларга икенче аяк киеме алып килергә кирәк була.