«Такташ эзләреннән...»

Татар җәмәгатьчелеге Такташ каберенә чәчәкләр китерде

Филология фәннәре кандидаты Миләүшә Хәбетдинова һәм бертөркем каләм әһелләре Такташ каберен зыярәт кылды. "Такташ эзләре буйлап" дип аталган экскурсия Татмедиа АҖ инициативасы белән инде икенче тапкыр уза. Беренчесе "Без белгән/белмәгән Такташ" дип аталып, Милли китапханәдә лекция форматында булган иде. Ә бу юлы шагыйрь иҗатын яратучылар, журналистлар белән бергә, Казанның үзәк урамнарыннан ул йөргән сукмаклар буйлап атлады, Такташ эшләгән урыннар белән танышты, Казанга килгәч яшәгән тулай торакны күрде. Такташ шигырьләрен күңелдә яңартып, кабере янында дога кылып, мондый чара дәвамлы булсын дигән теләктә таралаштык.

Оештыручыларга рәхмәт