Айдар Фәйзрахмановка 70?! Олы юбилеена багышланган концертның “Имеш, җитмешкә җитмеш” дип аталуы юкка түгелдер. Айдар абыйга 70 не биреп булмый бит, җәмәгать! Дәрт-дәрман ташып тора, эшлим дип яна. Үз юбилеена багышланган әңгәмәдә дә беренче чиратта ансамбль турында сөйләве һәм, бер мизгелдә, “Мин әле үземнең 70 яшьлеккә һаман барып җитмәдем бит” дип көлеп куюы шундый ихлас һәм самими булып тоелды. Эш турында да сөйләшергә өлгердек, тормышның башка юнәлешләренә дә чират тиде.