«ElvinGrey» татарча «BLACK STAR» була алырмы?

Бүген «Татар-информ» мәгълүмат агентлыгында Радик Юльякшин катнашында пресс-конференция булып узды. Пресс-конференция 1 декабрьдә «ТАТНЕФТЬ-АРЕНА»да булачак концертка һәм «ElvinGrey» лейблының презентациясенә багышланган иде. Бу лейбл үз канаты астына яшь, талантлы артистларны җыярга планлаштырыла, бу артистлар 1 декабрьдә узачак концертта халыкка тәкъдим ителәчәк. Әлегә аларның исемнәре сер булып саклана. Бүгенге пресс-конференциядә шуларның берсенең исеме әйтелде, ул ‒ Вильдан Шәмсетдинов, күпләргә VILLI буларак таныш яшь җырчы. Иң беренче чиратта аларның Радик белән тышкы кыяфәтләренең охшашлыкларына игътибар иттек, икесе дә күзлектән, прическалары да охшаган. Концертта шулай ук Гүзәл Уразова конфликты аша таныш Бабек Мамедрзаев та чыгыш ясаячак дигән хәбәр дә булды.

«ElvinGrey» лейблы астында җырчылар гына түгел, башка эшчәнлек тә алып барырга планлаштыралар, парфюмерия, кием бренды, рестораннар һ.б. Бу лейбл «BLACK STAR»ның копиясе булырмы дигән сорауга ачык кына җавап бирелмәде, «Бу эштә бернинди яңалык та юк. Моны инде күптән эшлиләр. Бу бренд астында без төрле әйбер эшли алабыз» ‒ дип җавап бирде. Продюсер Александр Слюсаренко «Без «BLACK STAR»дан яхшырак булачакбыз», дип өстәп куйды.

Мәкалә һәм фото авторы: Гөлшат Хәлиуллина

Иң мөһим һәм кызыклы язмаларны Татмедиа Telegram-каналында укыгыз


Ошый
300
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы