Фестивальле сезон

15 сентябрьдә исә күренекле драматургыбыз Кәрим Тинчурин тууына 125 ел тулу уңаеннан оештырылган фестиваль ачылачак. Фестиваль 10:00 сәгатьтә Тинчурин бакчасында таш куюдан башланып китәчәк. 13:00 сәгатьтә исә Тинчурин театры бинасында фәнни-гамәли конференция үткәреләчәк. Фестивальне тантаналы ачу чарасы 17:00 сәгатькә билгеләнгән. Кичәдә драматургның "Американ" комедиясе уйналачак.