Автор автор яңалыклары

К.Тинчурин исемендәге Татар дәүләт драма һәм комедия театры 91 нче театраль сезонын тәмамлый. Коллектив 16 июньнән җәйге ялга чыга. Спектакльләр 24 нче июльдән күрсәтелә башлаячак.

Бүләкләрне уйнату 2025 елның 14 августында узачак. Әлеге чараны оештыручы, кагыйдәләре, бүләкләр саны, уйнату вакыты һәм урыны буенча мәгълүматны tatmedia.ru сайтында белә аласыз.

Төрки халыкларның XVII «Нәүрүз» Халыкара театр фестиваленә старт бирелде. Фестивальдә 16 спектакль күрсәтелә - 8 спектакль чит илнеке, 8-е Россиянең төрле регионнарында урнашкан театрларныкы. Быел «Нәүрүз» фестивале кысаларында XI Халыкара театр олимпиадасының махсус программасы да тәкъдим ителәчәк.

«Каракүз» этно-модерн фестивальгә багышланган матбугат очрашуыннан.

Сугыш. Талант.

«Театр. Җиһан» дип аталган театраль сәяхәт режиссёры Лилия Әхмәтҗанова Камал театрының яңа бинасындагы 4 залны, шулай ук фойены да кулланган. 1 сәгать 15 минут дәвам итүче театраль сәяхәттә төрле яшьтәге артистлар катнаша.

Сугышка кадәр һәм сугыш елларында Казан химфармзаводы Профсоюз урамындагы 19/15 һәм 21 йортларда, XIX гасыр уртасында нигез салынган Казан фармацевтикасының мәркәзе булган урыннарда урнашкан. Сугыш башланганда Казанда фармацевтика препаратлары һәм медицина материаллары: кетгут һәм химик-фармацевтика эшләнмәләре җитештергән ике предприятие эшләгән. 1941 елның 22 июненнән соң җитештерүне арттырырга һәм үзгәртергә туры килгән.

Шифаханәдә авыруларны дару белән генә түгел, үзенең моңлы җырлары белән дәвалаучы, актив позицияле шәфкать туташы ул. Коллективта тырыш, үрнәк хезмәткәр булса, сәхнәдә көр тавышлы, беренче мизгелдән үк җырның мәгънәсен тыңлаучы күңеленә юнәлтә белүче җырчы. Аның репертуарында “Көрәшчеләр гимны”, “Шәфкать туташлары гимн”ы бар. Күп җырларының авторы – әнисе, шагыйрә Рәзинә Сәетгәрәева. Аның сүзләренә язылган “Тормыш яратканны ярата” җыры белән җырчының сәхнә карьерасы башланып китә. Репертуарында патриотик җырларга игътибар зурлыгы күренә. Үзен ул: “Мин язгы тамчылар кебек җебеп төшмим, гыйнвар аенда тугангадыр инде, боз сөңгеләре кебек нык мин”, – дип тасвирлый. 2023нче елдан – зур сәхнәдә, татар эстрадасы йолдызы, җырчы Илзирә Ибрагимова.

Тирән кайгы... Татарстанның атказанган артисты, Камал театры актрисасы Флера Хәмитова вафат булды. Артистка белән хушлашу мәрасиме 1 июнь 10:00 сәгатьтә Казан Нуры мәчетендә узачак.

2 июнь 18.00 сәгатьтә «Чулпан» мәдәни үзәгендә «Әйдә, ШаяРТ!» татар КВН лигасының 2025 ел сезонының чирекфинал уены узачак.

Казанга багышланган шигъри әсәрләр тудыру максаты куелган «Саумы, Казан!»/«Здравствуй, Казань!» бәйгесе Казан Мэриясе тарафыннан Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе ярдәме белән үткәрелә.

КОТЛЫЙБЫЗ! Әлфия Айдарскаяга 100 яшь! Балерина, татар классик балетына нигез салучыларның берсе Әлфия Айдарская 1925 елның 25 маенда легендар татар композиторы Сара Садыйкова һәм күренекле татар режиссёры Газиз Айдарский гаиләсендә туа.

«Хәзинә» милли сәнгать галереясендә Бөек Ватан сугышында Җиңүнең 80 еллыгына багышланган ике күргәзмә ачылды. «Ташка уелган язмышлар” дигән киң колачлы күргәзмә сәнгатьне, тарихны һәм документаль мирасны берләштерә, чорның бербөтен образын тудыра. “Барысы да Җиңү өчен!» дигәне – сугыш елларындагы басма графиканы чагылдырган һәм өч залга урнаштырылган экспозициядән гыйбарәт.

Республикабызның Питрәч районы Шәле авылы егете ул. Бу авыл исә кызыклы шәхесләргә бай. Аеруча театр сәнгатенә Шәле авылы күп талантлар бирде. Россия мөселманнары Диния нәзарәте рәисе Равил хәзрәт Гайнетдин, дин әһеле булып киткәнче, театр училищесен тәмамлаган. Үзе артист, үзе режиссёр Ренат Әюпов милли спектакльләре белән театр сөючеләрнең күңелләрен яулады. Ринат Шәмсетдинов Тинчурин театры сәхнәсендә ут уйната. Язучы Камил Кәримов сәхнәдән берәр юмореска сөйләп җибәрсә, дипломлы артистларны да уздырып бөтен залны эче катканчы көлдерә. Журналист Мәгъсүм Гәрәев Галина Вишневская белән Мстислав Ростропович кебек һәм башка бик күп мәшһүр шәхесләр белән дуслашкан икән, аның да артист халкына хас бер сөйкемле сөяге бардыр. Илнур Нуриевнең исә сөйкемле сөякләре берьюлы икәү, чөнки ул җырлый белүче артист һәм уйный белүче җырчы. Болары кайсы беренче дә, кайсы икенче соң? Илнур Татарстан дәүләт җыр һәм бию ансамблендә җырлый. Мөгаен, җыр – беренче. Аның «Аулак өй», «Туй» җырлы-биюле композицияләрдә килештереп уйнавын күрүчеләр исә, театр беренче, дияргә мөмкин. Сер йомгагын Илнур белән бергәләп чишик әле.

8 апрель көнне «Апуш. Нәниләр» мәктәп-студиясе тәүге премьерасын тәкъдим итте. Тамашачыларга язучы Айгөл Әхмәтгалиева әсәре буенча «Тыз-быз» спектаклен күрсәттеләр. Премьераның Г. Камал исемендәге Татар дәүләт Академия театрының яңа бинасында булуы тарихи вакыйга. Чөнки әлеге бинага сукмакны «Апуш»лыларның нәниләре салды.