Премьера!

Театрның баш режиссёры Рәшит Заһидуллин бу әсәрне 1999 елда сәхнәләштергән иде. Спектакль алты сезон дәвамында зур уңыш белән барды. 2011 елда Рәшит Заһидуллин «Сүнгән йолдызлар»ны Әнкара театрында төрек телендә куйды. Яңа «Сүнгән йолдызлар»ны исә остазы Заһидуллин җитәкчелегендә режиссёр Резеда Гарипова сәхнәләштерде.

Сәрвәр ролендә – Резеда Сәләхова, Исмәгыйль – Булат Зиннәтуллин. Надир мәхдүм ролен Зөлфәт Закиров башкара. Театр артистларыннан тыш спектакльдә Казан театр училищесы студентлары катнаша.

Спектакльнең хормейстеры – Алия Хәмзина. Хореограф – Мария Лазукова.