Театр+концерт

Республика Хөкүмәте карары нигезендә дәүләт мәдәният учреждениеләре эшчәнлегенең нәтиҗәлелеген арттыру максатыннан Стәрлетамак Башкорт дәүләт драма театры Стәрлетамак дәүләт филармониясе белән берләштерелде. 

Хәзер уртак мәдәният учреждениесе «Стәрлетамак дәүләт театраль-концерт берләшмәсе» исемен йөртә. Шулай ук Сибай шәһәренең «Чулпан» Башкорт дәүләт балалар театры да шәһәрнең филармониясенә кушылды. Яшь тамашачылар театрның яңа спектакльләрен хәзер Сибай дәүләт театраль-концерт берләшмәсендә карый ала.