С.Өметбаев исемендәге Минзәлә Татар дәүләт драма театры артисты Закиров Ильяс Гомәр улы

Ә.Гаффарның “Бер картлыкта,бер яшьлектә” комедиясендә Исрафил – яшь артистның беренче роле. Ә.Бәкернең “Буйдаклар “ комедиясендә Илдар, Г.Исхакыйның “Сөннәтче бабай”ында Бабай, Т. Җүҗәноглының “Ташкын”ында Ир рольләрендә чыныгу алып 2012 елда Ильяс Закиров “Тантана” театраль премиясенең “Дебют “номинациясендә бүләкләнә.

Үзе турында Ильяс : “Мин уйлап уйнаучы артист”, – ди. Р.Кинҗәбаев әсәре буенча куелган “Тилмереп дога көткәннәр”драмасында – Милиционер, “Шомбай” (К.Мәргән) комедиясендә – Шомбай, Ф.М.Достоевский әсәре буенча сәхнәләштерелгән “Абзыйның төше” мистик драмасында – Павел Мозгляков, “Түтиләр” (А.Коровкин) сатирик комедиясендә – Роберт, К.Тинчурин әсәре буенча куелган “Каракүз”музыкаль кыйссасында – Аксакал һәм кәрван башлыгы рольләрендә уйнап Ильяс Закиров үзенең җитлеккән артист икәнлеген исбатлады.

Минзәлә театрының балалар репертуарында да Ильяс Закировның рольләре күп. “Йолдыз егет” (О.Уайльд) – урман кисүче һәм хәерче, Г.Тукай әсәре буенча сәхнәләштерелгән “Тапкыр Кәҗә турында әкият” спректаклендә – Сарык, “Дүрт дус” әкиятендә (Р.Сәхәбетдинова инсц.) – Мәче, Яңа ел әкиятләрендә алыштыргысыз Кыш Бабай һәм башкалар.