Берәү генә... (тамашадан соң уйланулар)

«Артистлар күп, ләкин ул берәү...» Кем турында сөйлиләр икән дип баш ватмагыз, «берәү» — Салават булыр! Җырчының утызынчы юбилей концерт сезоны башланыр алдыннан игълан-белдерүләрдә әнә шундый сүзләр яңгыраган иде. Бәгъзеләрнең моңа эче дә пошты, билгеле. Янәсе, ә без икәүме, өчәүме яки йөзәүме, кыскасы, без көтүме? Татар көнләшмәсә, тынычлап йоклый мени! Мөгаен, Салаватның «берәү» дип аталырга хакы да бардыр. Өч дистә ел сәхнә тот әле син! Үзе нәзберек, үзе чуар тамашачыңны биздермә, һаман яраттыр, һаман сокландыр әле! «Залларны тутыр!» дип өстәргә базмыйм. Кем-кем, эре-эре оешма җитәкчеләре белән дуслаша белгән, мөнәсәбәтләрне көйли белгән иҗатчы өчен «алма төшәрлек тә урын калдырмау» проблема түгел. «Популярлык миннән мәңге китмәячәк. Ул минем белән гомерлеккә, чөнки мин эшлим, ат кебек үз йөгемне тартам. «Салават» эстрада театры гастрольләргә иң күп йөри торган төркем», — дигән артист.

Язманы тулысынча журналның сентябрь саныннан укыгыз.

Нәбирә Гыйматдинова

"Сәхнә" № 9