Алдагы ике атнада сак булуыгыз сорала...

Якындагы ике атна катлаулы булачак. Табиблар шундый фараз җиткерә. «Бу көннәрдә кешеләргә аеруча саклану зарур. Битлек киеп, барлык чараларны үтәп йөрегез», — дип белдерә табиб-инфекционист, профессор Николай Малышев. Хәзер «омикрон» өстәлде. «Тискәре уйларга бирешәсе килми, ләкин әлегә оптимист та булып булмый. Гомумән, тагын ике атна әле бик авыр булачак», — диде Малышев. 

Татарстанда грипп һәм ОРВИ белән авыручылар саны арту сәбәпле, җиде мәктәп тулысынча ябылган, дип хәбәр итә ТР Мәгариф һәм фән министрлыгының Матбугат хезмәте. Минзәләдә – өч, Лаешта – ике, Чирмешән һәм Зәй районнарында берәр мәктәп эшләми. Татарстан мәктәпләрендә бүген 751 укучы иртәнге фильтрны узмады. Республикада узган тәүлектә 412  яңа очрак теркәлгән. Бу пандемия башланганнан бирле рекордлы сан.