Алмаз Мирзаяновны котлыйбыз!

Бүген тел остасы, татар эстрадасының талантлы җырчысы һәм алып баручысы Алмаз Мирзаянов туган көнен билгеләп уза. Гомер бәйрәме уңаеннан ул котлау сүзләре белән язма урнаштырды.

«Миңа – 33! Һәр елдагыча кичә үк котлый башладыгыз, зур рәхмәт сезгә! Барыгызны да уздырып бер атна элек Мвидео котлаган иде инде! Ләкин аннан да шустрыйрак Гөлгенә Шиһапова булды. Ул 24 майда Алмаз Миргаязовның туган көнендә үк котлап куйды! Фамилияләр охшаш булгач ел саен ул көнне котлаулар кабул итәм мин!

Ярый, дуслар, 33 яшькә нәтиҗә ясыйк? Ипотекалы фатирым, кредитлы машинам бар, декретлы хатыным да булса, дөнья түгәрәкләнәчәк, Аллаһ боерса! Сау-сәламәт булыйк! Әти-әнием, әбием, якыннарыма, сезгә һәм Зөлфирәмә зур рәхмәт!» – дип яза Алмаз.

Инстачылар Алмазны чын күңелдән туган көне белән котладылар. Әлеге матур сүзләргә бездә кушылабыз, артистка озын гомер, нык сәламәтлек һәм уңышлар телибез!