Алсу Фазлыева нәрсәгә үкенә?

Парлы җырчылар Алсу һәм Азат Фазлыевларларның туйларына инде 14 ел икән. Алсу Фазлыева туй фотосы белән уртаклашты һәм үз туенда нәрсәгә үкенгәнен сөйләде.

«Иң үкенгәнем... Туебезны төшерергә профессиональ фотограф чакырмавыбыз. Туй киемнәрен алдык, өстәлне барладык, тамада ялладык... Ә менә фотографка акча җитмәде. Килгән кунаклар фотоаппаратларыннан булган фотоларны җыеп, үземчә туй альбомы ясадым», – дип яза ул инстаграм сәхифәсендә.

Тамашачылар да әлеге язмага өстәп язалар: 

«Седә генә түгел, бездә дә шул ук хәл, видео да юк. Иң мөһиме гаилә бәхетле, мул тормышта булсын, балаларыбыз һәм үзебез исән-сау булыйк», 

«Безнең дә шул хәл, 17 ел элек кавыштык, 12 пленкалы фото арасында бер юньле фото юк диярлек»,

«Фотограф булмаса да, бик матур фото бит, гаиләгез дә сокланырлык, күз тимәсен».