Хәбәрләр

Алсу Сөнгатуллина зур шатлыгы белән уртаклашты

«Фәридә-Алсу» дуэты солисткасы Алсу Сөнгатуллина гаиләсендәге зур шатлыгы белән уртаклашты. Кичә аның олы улы армиядән кайткан.

«Олы улым Айрат армия сафларыннан исән-сау кайтып җитте, Аллага шөкер! Минем узган туган көнемә бик матур чәчәкләр бүләк итте. Бик күңелле сюрприз булды! Балаларыбыз сау-сәламәт, бәхетле булсыннар! Алар бәхетле булса, без дә, аларның әти-әниләре, бик бәхетле!» – дип язган җырчы.

Без дә җырчыны һәм Айратны котлыйбыз.