Җанымның яртысы

Винера Ганиеваның ире Камил абый Фәйзрахманов гүр иясе булуына биш ай тулган икән. Винера ханым шәхси аккаунтында: «Биш ай булды минем җанымның яртысы янымнан киткәнгә. Бик авыр дуслар. Комментарийларны күтәрә алмам, гафу, сүндерәм. Барыгызга да зур рәхмәт, мине ташламадыгыз бүгенге көнгә кадәр хәлемне аңладыгыз», – дигән.

Исегезгә төшереп китик, 28 декабрьдә Камил абыйның йөрәге тибүдән туктады. Соңгы елларда ул Муса Җәлил исемендәге Татар академия дәүләт опера һәм балет театры театрында тавыш режиссёры булып хезмәт иткән.