Логотип
Хәбәрләр

Атнаның иң популяр 10 исеменә Ранель һәм Мирон исемнәре кергән

Үткән атнада, 30-нчы августтан 5-нче сентябрьгә кадәр, Казанның Гражданнар хәле актларын теркәү идарәсе бүлекләрендә барлыгы 361 бала туу теркәлгән: 203 малай һәм 158 кыз. Иң яшь әнигә – 19, ә иң олы...

Үткән атнада, 30-нчы августтан 5-нче сентябрьгә кадәр, Казанның Гражданнар хәле актларын теркәү идарәсе бүлекләрендә барлыгы 361 бала туу теркәлгән: 203 малай һәм 158 кыз.

Иң яшь әнигә – 19, ә иң олысына - 42 яшь, иң яшь әтигә – 21, ә иң олы әти 53 яшьтә. Иң кечкенә баланың авырлыгы 700грамм булган, иң авыры – 4700 грамм.

Бу атнада иң популяр исемнәр рәтенә: Алисә, Мирон, Ранель, Матвей, Полина, Милана, Софья, Кәрим, Максим һәм Маргарита кергән. Әти – әниләре биргән иң сирәк очрый торган исемнәр: Климентий, Леонард, Эрик, Лука, Альвина, Матильда, Добрыня, Афина, Җәлил һәм Сальма.

Шушы ук вакыт аралыгында шәһәрнең Гражданнар хәле актларын теркәү идарәсе бүлекләрендә 276 яшь гаилә теркелгән. Иң олы кияүгә 54 яшь, ә иң олы кәләшкә – 68. Иң яшь кияү белән кәләшкә 18 яшь тулган, дип хәбәр итә Гражданнар хәле актларын теркәү идарәсе.

 

kzn.ru

Фото: pixabay.com

Следите за самым важным и интересным в Telegram-каналеТатмедиа

Комментарий юк