Айдар Галимов: «Мин бик бәхетле кеше!»

ТР һәм БР халык артисты Айдар Галимовтан сөенечле хәбәр: аның әнисенә бүген 80 яшь. Әлеге хәбәр белән артист инстаграм сәхифәсе аша уртаклаша.
⠀
«Мин бик бәхетле кеше! Шушы көннәргә кадәр мин «улым», дип дәшкән тавышны, иңнәремә кагылган кулларны, аналарга гына хас сөю тулы күз карашын тоям. Иҗат юлымда да минем иң гадел тәнкыйтьчем – әнием. Җыр тексты булсынмы, концерт программасымы, аның һәрнәрсәгә үз бәясе, үз киңәше бар. Һәм мин, әлбәттә, кәдерле кешемнең һәр әйткән сүзенә колак салырга тырышам...», – шушы эчкерсез сүзләр белән җырчы әнисен котлый.

Котлауларга кушылып, «Сәхнә» журналының редакциясе Айдар Галимовның әнисен гомер бәйрәме белән котлый! Якын кешеләрегезне озак еллар сөендерергә язсын, сау-сәламәт булыгыз.