Айдар Галимовның кызы: «Мине дубинка белән кыйнадылар, пычак белән кистеләр...»

Хәзер салкын тию сезоны, җырчы Айдар Галимовның кызы да югары температура белән егылган. Бу хакта ул үзенең инстаграмында язып чыкты.

«Ике сәгать эчендә мин кулларым, аякларым, башым, йөрәгем, эчем авыртып караватка егылдым. Бөтен җирем дә авыртты. Мине дубинка белән кыйнадылар, пычак белән кистеләр, эссе суга ташладылар, я суыткычка салдылар, менә шундый хисләр кичердем мин.

Мөгаен, берничә көн ял итеп алырга кирәктер. Минем организм миңа бу хакта хәбәр итте. Хәзер хәлем әйбәт. Югары температураны мин һәрвакыт авыр кичерәм. Организмны ял иттерә белергә дә кирәк шул. Чөнки ул менә шулай итеп китереп тотарга мөмкин», дип яза Айгизә.

Үзегезне саклагыз, дуслар.