Айдар Хафизовны соңгы юлга озаттылар

Бүген 12:00 сәгатьтә Г.Камал исемендәге Татар дәүләт Академия театры каршындагы мәйданда Айдар Хафизов белән хушлаштылар.

– Үлем һәрвакытта көтмәгәндә килә, әмма Айдарның үлеме бигрәк көтмәгәндә булды... Бу хәбәрне ишеткәч бик озак ышана алмадым. Нишләтәсең, тәкъдирдән узып булмый. 60 ел дәверендә аралашып, киңәшеп эшләгән дустымны бүген соңгы юлга озатабыз, – диде хушлашу мәрәсимендә Татарстанның халык артисты Хәлим Җәләлов.

Мәрхүмне туган ягында, Татарстанның Питрәч районы Күн авылында, җирләделәр.

Фото: Салават Камалетдинов, Татар-информ