Азат Фазлыев хатынын ат белән чагыштырды

Узган ялларда Азат инстаграм сәхифәсенә Алсуның фотосын урнаштырды. Фотосурәт астындагы язма халыкта аңлашылмаучылык тудырды.

«Алсуның футболкасында нәрсә рәсеме күрәсез? Аха. Мин аны нәкъ ат белән чагыштырам да! Көн-төн эшләргә әзер бит ул!» – ди Азат.

Әлеге сүзләрне мыскылга санаучы укучылар табылды: «Нигә соң хатыныгызны ат кебек эшләтәсез? Үзегез ат кебек эшләгез, сез ир-ат бит».

Әмма артист бер дә аптырамый: «Сез бу тормышта шаярып, елмаеп яшәргә өйрәнегез!!! Бәлкем аңларсыз бу язманы», дип җавап кайтарды.