Билгесез кешеләр Чаллы театры бинасына зыян салганнар

Җәйнең беренче көне Чаллы татар дәүләт драма театры өчен фаҗигале тәмамланган. Төнлә билгесез кешеләр театр бинасының тышкы ягындагы витражларга пневматик коралдан атып, зарар китергән.

Чаллы театрының башкарма директоры Рәсим Хафизов хәбәр итүенчә, бу мәсьәлә буенча полиция хезмәткәрләре тикшерү эшләре башлап җибәргән. Җинаятьчеләрне ачыклаганнан соң, әлеге мәсьәлә буенча җинаять эше кузгатылган.

Хәзерге вакытта театр ватылган витражларны яңарту мөмкинлеген өйрәнә. Билгеле булганча, төзекләндерү эшләре өчен түләүне театр үз өстенә алачак.