"Бөкедә" ни эшлисез?

Казанда яңа ел алды бөкеләре башланды. Бөкедә утырганда нишлисез? Авито Авто»порталы экспертлары үткәргән сораштыру мәгълүматлары буенча  Казан халкы радио, аудиокитаплар, подкастлар тыңлый, телефоннан сөйләшә яки инде әйберләр сатып ала.

Сораштырылучылар ничә сәгать утыра соң бөкедә. 21% ы — 10нан 30 минутка кадәр, 24% ы — 30 минуттан алып бер сәгатькә кадәр, 17% ы —1,5 сәгатькә кадәр, 16% ы-1,5 һәм 5 сәгатькә кадәр дип җавап биргән. 33% бу вакытта радио, аудиокитап яки подкастлар тыңларга, 37% ы — телефон аша аралашырга, социаль челтәрләрне өйрәнергә өлгерә, 10% ы — онлайн сатып ала.

Моннан тыш, бәйрәм алдыннан бөкеләр азрак булсын өчен, Казан автомобильчеләренең 39% — маршрутны җентекләп уйларга, 28% — җәяү йөрергә, 23% - алдан чыгарга киңәш итә, ә 26% - кирәкле әйберләрен өйгә китертә.

Фото: пробки