«Бүлмә калды, ә әти инде юк…»

Алсу Фазлыева әтисенә багышлап пост язган. Заманында җырчының әтисе балаларына тулай торакта бүлмә алган булган икән.

«Әти заманында үзе теләгән машинаны алмый, безгә – балаларына дип, тулай торакта 18 квадрат метрлы бүлмә алган иде. Бу вакыйгага 9 ел да үтеп киткән икән. Бүлмә калды, ә әти инде юк… Бүлмәне сатып, акчасын дүрткә бүлдек – әнигә, сеңлемә, энемә һәм миңа.

Бу пост белән нәрсә әйтәсем килә?! Минем өчен бүгенге көндә ул акчага караганда, әтинең рәхәттә яшәве күпкә кадерле булыр иде. Шөкер, акчасын эшлибез, эше генә булсын. Ә кайчандыр иномарка «Тайота Королла» турында хыялланган әтием, үзен мәхрүм итеп, балалар хакына яшәгән.

Гомер буе колхозда шофер булып эшләгән әтинең хыялында гына калды ул машина. Урының оҗмах түрендә булсын, Әтием!» – дип яза Алсу.

Нишләтәсең, әти-әни гомер буе «балам» дип яши шул...

Фото: @alsufazlyeva