«Бу баланы мин бик озак көттем...»

Сөенечле хәбәр: Азат һәм Алсу Фазлыевлар өченче тапкыр әти-әни булдылар! Бу хакта Алсу инстаграм сәхифәсе аша хәбәр итте.

«Бу баланы мин бик озак көттем... Әйтәм бит: карынымда кыз бала икәнен белгәч, мин моны кешегә сөйләргә түгел, хәтта моның хакта артык уйланып, хыялланып йөрергә дә курыктым. Көн дә Ходаемнан «Бар да яхшы булсын, дүрт саны төгәл булып тусын» дип сорадым. Әтисе, котлыйм! Без хәзер күпбалалы гаилә! Ике баһадирдай улыбыз һәм кечкенә принцессабыз бар. Аллага шөкер!» – дип яза бәхетле әни.

Азат һәм Алсу Фазлыевларны кызлары туу белән котлыйбыз!