«Үч алуга охшаган» – Ришат Фазлыйәхмәтовка дә «эләккән»

Татар эстрадасы тирәсендә барган шау-шулы вакыйгалар бөтен дөньяны болгатып бетерде. Артистларның бер-берсенә начар сүзләр әйтеп талашуы, икенчеләренең бер-берсен яклап, төрле видеолар урнаштыруыннан халык та туйды бугай.

Иркәнең машинасын ватып китүләре турындагы хәбәр таралып, озак та үтмәде җырчы Ришат Фазлыйәхмәтовка да шундый ук «сәлам» калдырып киткәннәр икән.

Бу ике вакыйганың үзара ниндидер бәйләнеше булгандыр, дип уйламыйм. Ничек булса да, биредә безне чолгап алган тирәлекнең кешелексезлеге турында сүз бара! Ришат тамашачыларына үзен кайгыртулары өчен рәхмәтен белдерә һәм сак булырга өнди. «Нәрсә урламакчы булганнардыр, документларым һәрвакыт үзем белән йөри», – дип искәртә артист.

Бу хәл шушы көннәрдә Казан шәһәрендә булган. Машиналарыгызны теләсә кайда калдырып йөрмәгез. Сак булыгыз, дуслар!