Дилә Нигъмәтуллина: «Артка тибеп чыгардылар, дип уйламый идем»

Эстрадада барган вакыйгаларның шау-шуы бөтен кешегә дә барып җитте бугай инде. Кемнең хаклы булуын гына белеп булмый. Җырчылар сәхнә артындагы пычракны халыкка чыгара башладылар. Ландыш Нигъмәтҗанова журналистлар белән булган очрашуда Дилә Нигъмәтуллинаның да исемен телгә алып узган икән. Шуңа ул инстаграмында язып чыкты.

Диләне үз фамилиясен «Интертат»та күрүе аптырашта калдырган. Чыннан да ул «Барс Медиа» белән эшләгән. Контрактның срогы чыккач ул аны үз теләге белән озынайтмый. Контракты беткәнгә инде ун ел була, ләкин җырчы артына тибеп чыгардылар дип уйламый. «Барс Медиа» белән эшләгәндә төрле хәлләр булды, гөрләп эшләгән вакытлар да, аңлашылмаучанлыклар да. Күңеллеләре искә төшә никтер. Әмма ул узган, беткән. Хәзерге вакытта без алар белән коммерция шартларында хезмәттәшлек итәбез. Болай үзе проблемалар булды дип әйтә алмыйм. Динә Маратовна белән якыннан танышкан да юк», дип яза Дилә. Җырчы бу низагның ахыры хәерле тәмамлануын тели.