Гөлнара Абитова: «Минем персонаж кичерешләрен беркемгә дә кичерергә язмасын»

Кариев театры артисткасы Татарстанның атказанган артисткасы Гөлнара Абитова «Ут чәчәге» мелодрамасында төп рольне башкара. Ул наркоман кыз Мәликәнең әнисе – Миләүшә Бариевна.

Үз роле турында артист:

«Безнең репертуарда әле мондый спектакльнең булганы юк иде. Бу образга керү минем өчен катлаулы булды дип әйтмәс идем. Әмма бизнес-леди буларак түгел, ә шундый трагедик юлга баскан кызның әнисе буларак әлеге авыр халәтне кичерү үзе бер драма. Мин балама берни белән дә ярдәм итә алмыйм бит. Ата-аналар эш дип, акча дип балаларны онытырга тиеш түгел. Алар һәрвакыт контроль астында булырга тиеш. Минем персонаж кичерешләрен беркемгә дә кичерергә язмасын».

Чыганак: Г.Кариев исемендәге яшь тамашачы театры

Фото: Рәмис Нәҗмиев