"Голос"та - татар кызы!

«Голос. Дети» проектының «тыңлап карау» этабында Казаннан Ралинә Ибраева уңышлы чыгыш ясады. 10 яшьлек вокалчыга Егор Крид кәнәфие борылды. Кыз Леонид Агутин репертуарыннан «Самая лучшая»  композициясен башкарды. Ралинә дүрт яшеннән җырлый. Тамашага кыз әнисе Рузалия һәм педагогы Альбина белән килгән иде. Альбина исә күпләргә таныш. Ул "Ямьле" төркеме солисткасы. "Бу уңышка авыр хезмәт нәтиҗәсендә килдек", - ди Альбина. 

Әлегә Ралинә тугызынчы сезонда катнашкан бердәнбер Татарстан кызы. «Ура! Мин иң яхшы остаз командасында. Барыгызга да ярдәмегез һәм матур сүзләрегез өчен рәхмәт!» - дип язган ул үзенең Instagramында.

Кызлаааар, сокланабыз! Уңышлар Сезгә! Әйдәгез, бергә җан атыйк!