Ильмира Нәгыймова зур югалту кичерә

Популяр җырчы Ильмира Нәгыймованың бабасы кичә вафат булган. Әлеге хәбәрне ул инстаграм сәхифәсе аша җиткерә.

«Бүген (редактор: язма кичә урнаштырылган) бу дөньядан Бабам китеп барды, ә мин аны озатырга да кайта алмыйм, чөнки чыгармыйлар... СМС җибәреп караган идем 2590 номерына #цель похороны дип... Бер сәгать вакыт бирделәр. Аның юлы гына бер сәгатьлек, нәрсә инде бу? Кая бара бу дөнья хәерлегә булсын бу короновирусы. Бабам, урының оҗмахта булсын», – дип кайгысы белән уртаклаша җырчы.

«Сәхнә» журналының редакциясе җырчының кайгысы белән уртаклаша, туганнарына сабырлык һәм көч тели.