Илсөя Бәдретдинова: «Һаман терелеп булмый»

Күптән түгел татар эстрадасының танылган җырчысы Илсөя Бәдретдинова хастаханәдә дәваланып чыкты. Артист әле дә дәваланып бетә алмый икән, бу хакта ул инстаграм сәхифәсе аша хәбәр итә.

«Гомеремдә дә дару эчкәнем юк иде... Исемнәрен дә белми идем. Вещщщ бөтен төрлесен ашап бетердем бугай инде... Һаман терелеп булмый», – дип яза Илсөя.

Җырчы өчен шактый укучысы борчыла. Һәммәсе Илсөягә киңәш бирде: «Язгы авитаминоз,эмоциональ, физик яктан талчыгу, көн саен күченүләр... Санап китсәң күп инде ул», «Дару эчеп организм тыгыла гына. Вакуумный массаж кирәк», «Күз тия сиңа, белгән догаларыңны укып, узеңә узең төкергәлә», «Ял кирәк, сез бит күп эшлисез, тимер машинада ватыла, азрак үзегезне яратырга кирәк инде».