Ир – баш, хатын – муен. Шулаймы?!

«Ир – баш, хатын – муен», дигән борынгы мәкаль әле дә актуальмы? Әллә барысы да киресенчәме? Әлеге темага җырчы Айсылу Габдинова тормыш иптәше белән кызыклы видео төшереп, инстаграм сәхифәсенә урнаштырган.

Биредә Динислам ир-атларга хатын сайларга булыша. «Хатын нинди булырга тиеш? Менә минеке кебек: нәрсә дисәм дә, дәшми утыра. Футболга барам, дим икән, димәк барам; өч көнгә балыкка китәм, дим икән, димәк, китәм», – ди ул. Шул арада Айсылу наушнигын салып, иреннән нәрсә эшләгәнен сорый. Җырчы Динисламның нәрсә сөйләгәнен ишетми калганы ачыклана.

«Мондый хатының булганда нинди футбол, нинди балык?», «хатының огонь синең», дип видео астында язалар. Ә ни өчен шулай язганнарын беләсегез килсә, видеоны тизрәк карагыз.