Иртәгә - Тукай көне!

26 апрель көнне 10 сәгать 30 минутта Казандагы Габдулла Тукай әдәби музеенда бөек шагыйрьнең туган көненә багышланган концерт булачак. Бу хакта «Татар-информ" хәбәрчесенә музей директоры Гүзәл Төхвәтова хәбәр итте.

Бәйрәм чарасын Татарстанның халык артисты Фердинанд Сәләхов алып бара.

Концертта халыкара конкурслар лауреаты Гөлнара Байназарова, Татарстанның атказанган артисты Ирек Кашапов Россиянең атказанган, Татарстанның халык артисты Георгий Ибушев, баянчылардан Кирам Сатиев, Хәйдәр Сафин, нәфис сүз осталары катнашуы көтелә.