Исламия Мәхмүтова Тинчурин театрында премьера тәкъдим итә

Кәрим Тинчурин исемендәге Татар дәүләт драма һәм комедия театрында сезонның чираттагы премьерасына әзерлек башланды. Россиянең атказанган, Татарстанның халык артисты Исламия Мәхмүтованың 75 яшьлек юбилее уңаеннан «Син бит минем бергенәм» спектакле әзерләнә.

Бүген коллектив Исламия Мәхмүтованың «Син бит минем бергенәм» пьесасын сәхнәләштерүгә кереште. Спектакльне сәхнәгә Исламия Мәхмүтова үзе куячак. Премьера 21, 22 нче декабрьдә көтелә, дип хәбәр итә Кәрим Тинчурин исемендәге Татар дәүләт драма һәм комедия театрының матбугат үзәге.

Автор: А.Галимова

Фото: К.Тинчурин исемендәге

Татар дәүләт драма һәм комедия

театрының матбугат үзәге