Камал театры спектакле «Алтын битлек» номинантлары исемлегендә

Г.Камал исемендәге Татар дәүләт Академия театрының Г.Исхакый әсәрләре буенча Айдар Җаббаров сәхнәләштергән «Тормышмы бу?» спектакле «Алтын битлек» премиясенең номинантлар исемлегенә кертелде. «Татар театры тарихында беренче мәртәбә татар спектакле зур формада номинациягә үтте», – дип хәбәр итә Г.Камал исемендәге Татар дәүләт Академия театрының матбугат үзәге. Камал театры драма театрлары арасыннан 2017/2018 сезон «Алтын битлек» номинацияләрендә катнашучы Татарстанның бердән-бер театры.

Спектакль илнең төп театраль премиясенә 6 номинациядә җиңүгә дәгъвә итә:

«Зур формадагы иң яхшы спектакль»

«Иң яхшы режиссер эше» – Айдар Җаббаров.

«Икенче пландагы иң яхшы хатын-кыз роле» – Ләйсән Рәхимова, Хәлимнең әнисе Мәрзия.

«Иң яхшы ир-ат роле» – Искәндәр Хәйруллин, Хәлим

«Рәссам эше» – Булат Ибраһимов

«Ут буенча рәссам эше» – Ольга Окулова

Спектакльнең иҗат төркемен чын күңелдән котлыйбыз!!!

Чыганак: kamalteatr.ru