Казандагы ике сәүдә үзәгеннән янгын чыгуы турында хәбәр килгән

Сәүдә үзәгенә килгән сатып алучылар гадәти парны янгын дип уйлаган.

(Казан, 1 май, «Татар-информ»). Казанда ике сәүдә үзәге эшен янгын чыгуы турында ялган хәбәрләр аркасында туктатып торган. Бу хакта «Татар-информ» агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

«Миллениум» Сәүдә үзәгендә янгын чыгу ихтималы турында беренче хәбәр 112 бердәм номерына кичә кичке җиделәр тирәсендә килә.

Сәүдә үзәгенә килгән ут белән көрәшүчеләр янгын чыгуы мөмкин булган урынны җентекләп тикшергән.

Алар ачыклаганча, шаһитлар аш бүлмәсендә чыккан парны янгын дип уйлап, ут белән көрәшүчеләрне чакырткан.

Икенче хәбәр 112 бердәм номерына 15 минуттан соң килә.

«Олимп» Сәүдә үзәгендәге сатып алучылар бинада төтен чыгуы хакында хәбәр итә. Урынга килгән янгын сүндерүчеләр моның вентиляциядән чыккан пар булуын ачыклый

татар-информ