Хәния Фәрхинең кызы: «Әниемнең якты истәлегенә...»

Узган көнне Хәния Фәрхинең кече кызы Алсу бөек шәхесебезнең истәлегенә багышлап видео урнаштыра. Биредә татар эстрадасы артистлары «Әлдермеш» җырын  башкаралар.

 «Хәния Фәрхинең «Әлдермешкә кайтам әле» – меңләгән кешенең күңелендә, йөрәгендә, телендә яңгыраган җыр!
Көе яңгырый башлагач ук, Татарстанның халык артисты Хәния Фәрхи күз алдына килеп баса! Ә бүген мәрхүмәнең истәлегенә аның хит булып яңгыраган җырын татар эстрадасы артистлары башкара! Бергәләп җырлыйк, дуслар», – дип әлеге видеоны инстаграм сәхияәсендә Раяз Фасыйхов урнаштыра.

Раяз Фасыйховтан тыш, легендар җырны Хәния Фәрхинең олы кызы Алия, Алсу һәм Азат Фазлыевлар, Лилия Муллагалиева, Айгөл Бариева, ИлСаф, Айдар Галимов, Илсөя Бәдретдинова, Илназ Сафиуллин, Илназ Баһ, Эльмира Кәлимуллина һәм башка артистлар башкардылар.