«Котлаулар кабул итәм»

Азат Абитов күңелле яңалыгын җиткерә. Өч ел тәнәфестән соң җырчы янә футбол белән шөгыльләнә башлаган.

«Сезгә шатлыгымны әйтәсем килде. Мин бүген операциядән соң беренче тапкыр футбол уйнадым. Инде өч ел уйнамаган, форма юк, хәл җитми, хаталар күп. Шулай да шатлыгым эчемә сыймый. Алга таба ныклап шөгыльләнергә, элекке форманы кире кайтарырга исәп. Котлаулар кабул итәм», – дип сөйли ул.

Искәртеп китик, узган елны Азат Абитов тезенә операция ясаткан иде. Җырчы 2010 елда ук тезенең сеңерләрен өздергән, ләкин төрле сәбәпләр аркасында операцияне 10 елдан соң гына ясатырга булган.