Кулына пычак тоткан цирк директорын тикшерү көтә... (ВИДЕО)

Татарстан Мәдәният министрлыгы Казан циркы директорын тикшерә! Социаль челтәрдә таралган видеодан соң, ведомство тикшерү үткәрергә уйлаган.  Анда цирк җитәкчесенә охшаган кешенең үзен агрессив тотуы күренә.Ул кулына пычак тотып ишек ачарга омтыла, берничә тапкыр кизәнә. Кайбер чыганаклар хәбәр итүенә караганда, бүлмәдә бер кеше бикләнеп утырган, кадрлардагы кеше аның янына керергә омтылып, кесәсеннән пычак чыгара. Аек булмаган дигән фаразлар да бар. «Татарстан Мәдәният министрлыгы тарафыннан әлеге факт буенча хезмәт тикшерүе үткәрелә. Хәзерге вакытта директор эштән алынмаган. Ул эш урынында», — дип яза яңалыклар агентлыгы.