«Әле һаман Камилне көтеп йөрим, менә кайтыр кебек төсле..»

Татарстанның халык артисты Винера Ганеева күптән түгел тормыш иптәшен югалтты. Кичә исә Камил Файзрахмановны искә алып, Винера ханым видео урнаштырган. Бүген сукмакларны кардан үзем чистарттым дип, язган видео астында.

«Ходай бирсә, бирсен иде, озын булган гомерне, күпме теләк теләсәк тә - язмышлар төрле-төрле. Дөньяның чигенә китеп югалдың, бәгърем минем, җанкисәккәем, яратканым, бердәнберем. Нинди хәлдә икәнемне, үз башлары аша узган кешеләр генә аңлый. Рәхмәт барыгызга да кайгымны уртаклашкан өчен. Әле һаман Камилне көтеп йөрим, менә кайтыр кебек төсле..», – дип пост та урнаштырган җырчы.