Мәдәни программа

(Казан, 7 июнь, “Татар-информ”). 2018 елның футбол буенча дөнья чемпионаты узган чорда Казанның К.Тинчурин исемендәге Татар дәүләт драма һәм комедия театры спорт сөючеләргә һәм башкала кунакларына мәдәни программа әзерләде.

14 июньдә театрда “Гомер буе сине көттем” (И.Гали) спектакле булачак.

18 июньдә “Назлы кияү” (К.Тинчурин) пьесасы куелачак.

19 июньдә “Ефәк баулы былбыл кош” (А.Гыйләҗев) әсәре тәкъдим ителәчәк.

20 июньдә “Мәхәббәт бакчасы” (Ш.Фәрхетдинов) пьесасы уйналачак.

Театр сәхнәсендә шулай ук 21 июньдә – “Алай түгел болай ул” (Т.Миңнуллин), 22 июньдә – “Алтын көз” (Ш.Фәрхетдинов), 25 июньдә “Өзелгән яфраклар” (Р.Габделхакова) пьесалары күрсәтеләчәк.

26 июньдә – “Күрәсем килгән иде” (И.Мәхмүтова), 27 июньдә – “Кияүләр” (Х.Вахит), 28 июньдә “Гомер буе сине көтәм” (И.Гали) спектакльләрен карап булачак.

Барлык спектакльләр 18.30 сәгатьтә башлана.

татар-информ