Милли оркестр - Казанда!

Академик сәнгать – табыш китерү урыны түгел Башкортстан республикасының милли симфоник оркестры кабат Казанга килә. Узган елда коллектив Казан тамашачысы алдында тәүге тапкыр чыгыш ясады. Тамашачы аларны җылы алкышлар белән кабул итте. Быел исә Башкортстан милли симфоник оркестры башкалабызга ике концерт һәм ике өр яңа программа алып килә. 7 апрельдә оркестр ике тугандаш республикасың композиторлар Союзы берлеге әгъзалары ярдәме белән әзерләнгән башкорт һәм татар композиторларының әсәрләреннән торган концерт тәкъдим итәчәк. Программада Заһир Исмәгыйлевнең «Салават Юлаев» операсына увертюрасы, Нәҗиб Жиһановның «Нәфисә» увертюрасы, Хөсәен Әхмәтовның «Башкорт лирик сюита»сы, Фәрид Яруллинның «Шүрәле» балетыннан өзекләр, Рәшид Кәлимуллинның «Симфоник биюләр» сюитасы, Рөстәм Сабитовның 6 нчы Симфониясе (дөньякүләм премьера!) һ.б. тамашачылар тарафыннан яратылып өлгергән әсәрләр яңгыраячак. 8 апрельдә С. Сәйдәшев исемендәге Зур концертлар залында Башкортстаннның дәүләт оркестры XVIII һәм XX гасырларның дөньякүләм танылган композиторлары әсәрләрен тәкъдим итәчәк. Программада: Вольфганг Амадей Моцартның «Свадьба Фигаро» операсына увертюра һәм оркестр белән кларнет өчен концерты; Густав Малерның 1 нче «Титан» Симфониясе. «Академик сәнгать – акча эшләү, табыш китерү урыны түгел. Классик музыканы тыңлау ул изге урынга (мәчеткә, чиркәүгә) килү белән бер», – ди Башкортстан милли симфоник оркестры дирижеры Дмитрий Крюков. Хөрмәтле казанлылар, 7 һәм 8 апрель көннәрендә С. Сәйдәшев исемендәге Зур концертлар залында очрашырбыз!