«Мин сине сагындым дисен иде...»

Халыкның яраткан җырчысы Илсөя Бәдретдинованың юмор хисенә сокланырлык. Шуңадыр инде, аның концертларында да боегырга урын калмый. Үзенең социаль челтәрләрендә дә ул шаян темаларга күп яза.

Мәсәлән, шушы көннәрдә бер кыз белән булган сөйләшүдән өзек китерде.

«Менә хәзер берәр чибәр егет шалтыратып, беренчедән, мин сине сагындым, икенчедән мин сине гулять итәргә чакырам, дисен иде ди. Мин әйтәм, беренчедән, иртәгә ТОга машинаңны үзем алып барам, икенчедән сиңа хәзер ит китерәчәкләр, әзер булып тор, дисен иде дим... Нигә миңа аның сагынуы белән гуләте. Олыгаям бугай мин», дип яза ул.

Яшь барган саен кыйммәтләр үзгәрә шул. Сез килешәсезме?