Минтимер Шәймиевның хатыны Сәкинә ханым вафат

Бүген үзенең 80 нче яшендә ТР беренче Президенты Минтимер Шәймиевның тормыш иптәше Сәкинә Шәймиева вафат. Бу турыда «Татар-информ» агентлыгына ТР Президентының матбугат секретаре Эдуард Хәйруллин хәбәр итте.

Татарстан Президенты Рөстәм Миңнеханов кайгы уртаклашуын белдерде.

Сәкинә Шәймиева 1939 елда туган.

2007 елда Сәкинә ханымның «Минтимер күләгәсендә» дигән китабы чыккан иде. 2016 елның апрелендә әлеге китапның тулыландырылган басмасы дөнья күрде. Ул укучыларда зур кызыксыну уятты. Бу китапта Сәкинә Шәймиева сәясәтче белән тормыш итү һәм Шәймиевның зур постны ничек калдыруы хакында фикер йөртә. Шулай ук автор бу китапта Шәймиев җитәкчелеге астында булган «Возрождение» фондының эшчәнлеге турында сөйләгән иде.

Автор: Фәнүзә Сираҗиева

Фото: Татар-информ