Ни өчен Иркә үзен күрә алмаучыларга рәхмәт әйтә?

Бөтен татар эстрадасының астын өскә китергән җырчы, Татарстанның атказанган артисты Иркә Инстаграмда мөрәҗәгать белән чыкты.

«Бүген мин мең рәхмәтлемен Ходама, әти-әниемә... Язмышыма, туганнарыма, якыннарыма, дусларыма, мине яратучыларга, күрә алмаучыларга, тормыш иптәшемә, балаларыма, тамашачыма мин мең рәхмәтлемен. Һәрбарчагыз мине Иркә итте. Көчле итте, сабыр итте, яшәргә өйрәтте», ‒ дип яза җырчы.

Иркәне ни сәбәпле рәхмәтләр яудыра икән, дип аптырагамыз, дуслар. Бүген артистның гомер бәйрәме ‒ бу дөньяга туган көне. 36 яшьлек Иркә шушы сөенечле вакыйга уңаеннан тамашачыларына да рәхмәт сүзләрен җиткерә һәм, әлбәттә, тәбрикләүләр кабул итә.

Иркәне гомер бәйрәме уңаеннан ихлас котлыйбыз. Гаилә бәхете һәм иҗади уңышлар телибез!